粵語童謠對廣東人來説意味着歡樂與懷舊，你還記得多少首?以下是本站小編為你整理的超經典的粵語童謠，歡迎大家閲讀。
超經典的粵語童謠一
月光光，照地堂，年卅晚，
摘檳榔，檳榔香，摘子姜，子薑辣，
買(胡辣、菩達、蘿蔔)，(胡辣、菩達、蘿蔔)苦，
買豬肚， 豬肚肥，買牛皮，牛皮薄，
買菱角，菱角尖，買馬鞭，馬鞭長，
起屋樑，屋樑高，買張刀，刀切菜，
買籮蓋，籮蓋圓，買只船，船無底，
浸死兩個番鬼仔，一個蒲頭，一個沉底。
超經典的粵語童謠二
凼凼轉，菊花圓，炒米餅，糯米糰。
亞媽叫我睇龍船，我唔睇，睇雞仔，雞仔大，拎去賣。
賣得幾多錢?賣得三百六十五個仙，
得來買膏又買鹽。
超經典的粵語童謠三
點蟲蟲，蟲蟲飛，
飛到荔枝基，
荔枝熟，摘滿屋，
屋滿紅，陪住個細蚊公。
超經典的粵語童謠四
落雨大，水浸街。
阿哥擔柴上街賣，
阿嫂出街着花鞋。
花鞋花襪花腰帶，
珍珠蝴蝶兩邊排。
