俚語是一種非正式的語言,通常用在非正式的場合。下面是本站小編整理的上海俚語兒歌,歡迎大家閲讀。
上海俚語兒歌精選
一
小三資,拉車子,一拉拉到陸家嘴。
拾着一包香瓜子,炒炒一鍋子,吃吃一肚子,拆拆一褲子,到黃浦江邊解褲子,撥拉紅頭阿三看見仔,拖到巡捕行裏罰角子。
二
山裏有隻廟,廟裏有隻缸,缸裏有隻碗,碗裏有隻蛋,蛋裏有個小和尚,嗯呀嗯呀要吃綠豆湯。
三
從前有隻廟,廟裏有棵樹,樹下有個老和尚,
老和尚對小和尚講故事:從前有隻廟,……
四
從前有座山,叫黃崑山;山浪有條路,叫嘰哩咕嚕;路邊有隻廟,叫莫名其妙;廟裏有隻缸,叫四大金剛;身浪有把劍,叫看勿見;來了兩個官,一個叫筆套管,一個叫痰盂罐;……
五
山浪有隻老虎,老虎要吃人,拿伊關辣籠子裏。
籠子壞脱,老虎逃脱,逃到南京,逃到北京,
買包糖精,擺辣水裏浸一浸,密西密西拉胡琴。
六
啷啷啷,騎馬到松江,
搖搖搖,搖到外婆橋,
外婆叫我好寶寶。
月亮亮,家家小囡出來白相相……
七
一籮麥,兩籮麥,三籮開花拍大麥,劈劈拍,劈劈拍。
八
本來要打千千萬萬記,現在辰光來不及,
馬馬虎虎打十記,一、二、三、四……
九
篤篤篤,賣糖粥,三斤蒲桃四斤殼。
張家老伯伯辣辣坐,問儂討只小花狗。
十
小皮球,小小籃,落地開花二十一,
二五六,二五七,二八二九三十一,
三五六,三五七,三八三九四十一……
十一
一歇哭,一歇笑,兩隻眼睛開大炮。
一開開到城隍廟,城隍老爺哈哈笑。
十二
賴學精,白相精,書包摜辣屋頭頂,看見先生難為情!
十三
叫伊淘淘米,撳脱仔飯籮底;
叫伊挽挽水,駁起屁股摸螺螄;
叫伊拔拔葱,登拉田裏豎煙囱;
叫伊紡紡紗,錠子頭上開朵花;
叫伊繡繡鞋,好像雞腳賴;
叫伊織織布,布機潭裏撤推污;
叫伊兜兜火,東家白話西家坐;
叫伊捉捉花,偷是隔壁田裏瓜。
十四
梁山頭浪一隻羊,遠往松江糶米糧。
大斗量來小鬥賣,升籮投浪養爹孃。
爹孃養我能長大,我養爹孃勿久長。
十五
康鈴康鈴馬來哉,
隔壁大姐轉來哉。
啥個小菜?
茭白炒蝦,田雞踏殺。
老鴉告狀,告撥文王;
文王賣布,賣着姐夫;
姐夫關門,關着蒼蠅;
蒼蠅扒灰,扒着烏龜,
烏龜拆屁,拆得滿地。
上海俚語兒歌推薦
一
正月裏來踢毽子,
二月裏來放鷂子,
三月裏向薺菜子,
四月裏向落花子,
五月端午裹粽子,
六月裏向拍蚊子,
七月棉花結鈴子,
八月裏向吐瓜子,
九月裏收葵花子,
十月裏向造房子,
十一月裏切栗子,
十二月裏養個小兒子。
二
三三三,
我們都是木頭人,
不許哭來不許笑,
還有一個不許動。
三
弟弟疲倦了,眼睛小;
眼睛小,要睡覺。
媽媽坐在搖籃邊,把搖籃搖。
盎盎我的小寶寶,安安穩穩睡一覺。
今天睡得好,明天起得早,花園裏去採葡萄。
四
湯司令到,
機關槍掃,
熱水瓶爆,
癩蛤巴跳。
五
我的一個臭屁,
震動了大地。
大地的人民,
拿起了武器,
趕走了美帝。