舟山市，是长江流域和长江三角洲对外开放的海上门户和通道。舟山童谣有哪些呢?下面是本站小编整理的舟山方言童谣，过来看看吧。
舟山方言童谣摘抄
1：“蚂蚁哎，快快来，蓑衣凉帽穿勒来，砧板薄刀带勒来，前门后门关勒来”
2：“对对虫，虫虫飞，大麻将(麻雀)啄食去，小麻将(麻雀)管家里。”
3：“咯咯嗡，小鸡肚皮痛，大鸡嫁老公。老公长，会打枪，老公矮，会捉蟹”
4：“一粒星，格伦登，两粒星，挂油瓶;油瓶漏，炒倭豆，倭豆香，加辣酱;辣酱辣，捉水獭，水獭乌，捉鹁鸪”
5：“笃笃笃，卖粮粥，三斤胡桃四斤壳。吃我肉，还我壳，婆婆看了眼泪出”
6：“叽咕嘎，叽咕嘎，阿毛老婆牵沙蟹。牵勒半夜过，还没半淘箩;牵勒五更头，还没三碗头;牵到天亮，还没好卖。”
7：“囡囡哎，侬要啥人抱?我要阿娘抱，阿娘腰骨伛勿倒;囡囡哎，侬要啥人抱?我要阿爷抱，阿爷胡须捋捋困晏觉;囡囡哎，侬要啥人抱?我要阿姆抱，阿姆给囡囡做袄袄;囡囡哎，侬要啥人抱?我要阿爹抱，阿爹出门赚元宝;囡囡哎，侬要啥人抱?我要阿姊抱，阿姊三根头发梳梳好;囡囡哎，侬要啥人抱?我要阿哥抱，阿哥看牛割青草。阿拉囡囡呒人抱，摇篮里面去困觉”
8：“正月放鹞子，二月剥瓜子，三月清明抬轿子，四月种田插秧子，五月吃粽子，六月热天扇扇子，七月小鬼拿银子，八月月饼嵌馅子，九月重阳做团子，十月芙蓉勿结子，十一月落雪子，十二月抛色子。”
9：“正月大错过，二月芥菜大，三月拔茅针，四月拗芦笋，五月吃蒲羹，六月乘风凉，七月七秋凉，八月桂花香，九月九重阳，十月芋艿煮鸡羹，十一月黄脚差人投钱粮，十二月乒乒乓乓放炮仗。”
10：“笃笃笃，碰墙角，姊姊抬去娘要哭。阿姆哎，勿哭喽，轿到堂前喽。大阿哥抱上轿，小阿哥送过桥，送到乌漆墙门好人家。窗门开开地板房，白骨嵌锒大眠床，金漆夜桶放叠床。新花棉被捂新郎，生出囡来老酒甏，生出儿子状元郎”
舟山方言童谣推荐
1：“高高山，低低山，鲤鱼跳过白沙滩，铃铃琅琅货郎担。买支描花笔，描花描蝴蝶，蝴蝶嘟嘟飞，飞到杭州扯大旗。大姊眠床花绿绿，小姊地上种六谷。今年六谷嫩艾艾，丈夫出门到上海，胭脂花粉带眼来，姊姊妹妹分搭开”
2：“啥鱼头上两根须，啥鱼走路扑通扑通会摇橹，啥鱼头上七颗星，啥鱼背脊画麒麟?雄鱼头上两根须，弹涂鱼走路扑通扑通会摇橹，乌鳢鱼头上七颗星，鲟鳇鱼背脊画麒麟”
3：“啥鱼眠床在娘肚，啥鱼阿娘当老婆，啥鱼捉牢眼泪流，啥鱼嘴巴生在脚夹缝?鲨鱼眠床在娘肚，鲎鱼阿娘当老婆，海龟捉牢眼泪流，望潮嘴巴生在脚夹缝”
4:“一个老太盘，爬起早早管，结结被头，梳梳绕绕头。看看钟头，八点过头。来到街头，买个鱼头，来到河头，强好鱼头。来到灶头，按好鱼头。猫吃鱼头，拨出拳头，考倒猫头，来到地头，葬好猫头，来到灶头，眼流白头，嗯高话头”
5：“一双皮鞋美国货，二分洋涅买来货，三热穿过贼贼破，四穿亮栅洞眼逗，五猜罪过法罪过，六起活要重买过，七线发买美国货，八样东西擦烂欧，九竟要买哪国贷，十实委委中国贷”
6：“喔喔红，雪里烘，廿岁姑娘衬老公。老公几十一，三十一，买支描花笔，描花描蝴蝶。蝴蝶描好涂涂飞，飞啦舟山岗登插大旗，大旗绵床红绿绿，小旗绵床种绿谷。绿谷种出嫩矮矮。丈夫出门到上海，姐姐妹妹分带开，分啦熟宁咪咪笑，分发熟宁嘴巴翘”
舟山方言经典童谣
《踢踢绊绊》
踢踢绊绊绊过南山
南山北斗至尊买牛
牛蹄马脚一脚勾过
《老鼠头》
老鼠头像蛇头
老鼠尾巴像锉刀
老鼠日里睡大觉
夜到做贼做强盗
黄鼠狼告诉老爷
老爷话侬格赤佬也勿好
把生蛋鸡娘咬咬倒
害了人家夫妻吵架造勿好
《一双皮鞋》
一双皮鞋美国货
二分洋钿买来哦
三日穿过贼贼破
四穿凉棚洞眼多
五看罪过勿罪过
六起还要重买过
七世勿买美国货
八样东西擦烂欧
九竟要买哪国货
十实惠惠中国货
